ललितपुर । ललितपुर महानगरपालिकाले चौथो महिला उद्यमी सम्मेलन २०८२ आयोजना गरेको छ ।
ललितपुर महानगरभित्र उद्यम गरिरहेका महिला उद्यमीलाई प्रोत्साहन गर्न र उत्पादनलाई बजारीकरण तथा प्रवर्धनमा सघाउन सम्मेलन आयोजना गरिएको हो । यसका लागि उद्यमी अनुकूल नीति बनाउने तयारी भइरहेको ललितपुर महानगरपालिकाले जनाएको छ ।
सम्मेलनमा उद्योग, वाणिज्य तथा आपूर्तिमन्त्री दामोदर भण्डारीले नेपालमा उत्पादित वस्तुहरूले अझै पनि बजार नपाएको बताउनुभयो । ब्रान्डिङ्ग अभावमा नेपालमै बजार नपाइरहेको अवस्थामा विश्व बजारमा पुग्न मुस्किल देखिएको उहाँको भनाइ छ ।
ललितपुर महानगरपालिकामा मात्रै झन्डै ३ हजारभन्दा बढी महिला उद्यमी रहेको ललितपुर महानगरपालिकाले जनाएको छ ।
