नवलपरासी । पुर्व पश्चिम राजमार्गअन्तर्गत पुर्वी नवलपरासीको चोरमारास्थित गिरूबारी खोलाको डाइभर्सन बगाएपछि यातायात अवरूद्ध भएको छ । गएराती परेको पानीले खोलामा बाढी आएपछि डाइभर्सन बगाएको जिल्ला ट्राफिक प्रहरी कार्यालय पुर्वी नवलपरासीका प्रमुख जनक बन्जराले बताउनुभयो ।
डाइभर्सन बगाएपछि रातीदेखि नै सवारीको लामो जाम लागेको छ । वैशाख ३० गते ओभरलोड सवारीको कारण पुलमा क्षति पुगेको थियो ।
खोलामा पानीको सतह घटेपछि मात्र डाइभर्सन निर्माणको काम हुनेछ । यसै गरेर पश्चिम नवलपरासीको दाउन्नेमा पनि बाटो चिओलो हुँदा सवारी आवागमनमा समस्या आएको छ ।
ठुला र मालबाहक सवारी उकालो उक्लन नसक्दा यात्रु बाहक सवारी र साना सवारी पनि जाममा पर्नुपरेको छ । अहिले ठुला सवारीलाई दुम्किबास र बर्दघाटमा रोकिएको छ ।
