काठमाडौं । नेकपा मोओवादी केन्द्रका नेता तथा सांसद लेखनाथ दाहालले भारत र पाकिस्तान बीचको उत्पन्न विवाद बारे सरकारको आधिकारिक धारणा के हो? भन्दै प्रश्न गर्नुभएको छ । आज संसद्मा बोल्दै उहाँले यस्तो प्रश्न गर्नुभयो ।
संसद्मा बोल्दै उहाँले भन्नुभयो,‘पछिल्लो समय भारत र पाकिस्तानबीच उत्पन्न विवादको बारेमा नेपाल सरकारको आधिकारिक धारणा के हो ? माग गर्दछु’
पछिल्लो समय जम्मू कश्मिरमा भारत र पाकिस्तानबीच द्वन्द्व उत्पन्न भएको छ ।
२२ अप्रिलमा जम्मू कश्मिरस्थित पहलगाममा भएको आतंकी हमलामा एक नेपाली सहित २६ जना मारिएका थिए । उक्त घटना पश्चात भारतले पाकिस्तानविरुद्ध कारबाही सुरु गरिसकेको छ । यसले विश्वको ध्यान समेत केन्द्रित गरेको छ ।
